O Pump Track de Chantada xa está asfaltado para que as persoas interesadas en usalo, poidan facelo, e así practicar o ciclismo e deportes urbanos coma o skate, BMX, roller e scooter.
Este espazo está situado ao carón do Mercado Gandeiro e permitirá a persoas de todas as idades e niveis, de forma gratuíta, practicar e mellorar habilidades “nunha contorna segura, converténdose nun punto de encontro tanto de residentes coma de turistas interesados no turismo deportivo e os deportes urbanos”, defenden desde o goberno local.
O Pump Track funcionará como parque infantil e espazo deportivo, pero haberá que respectar unhas normas:
- Deberase facer emprego responsable das instalacións, permitindo e respectando as quendas de uso dos distintos tipos de usuarios.
- Os menores de 12 anos deben estar supervisados por un adulto.
- É obrigatorio o uso de casco. Recoméndase o emprego de luvas e proteccións.
- É obrigatorio circular no sentido indicado.
- Recoméndase, recoñecer e analizar o circuito antes de comezar.
