As festas patronais do Vicedo, adicadas a Santo Estevo,xa teñen data. Así a comisión de festas organizadora comunicou que se celebrarán os días 4, 5 e 6 de agosto.
Comezará coa gran verbena do venres 4 ás 22.45 horas a cargo das orquestras Tania Veiras e Panamá, e seguirá o sábado 5 ás 11.00 con pasacalles amenizado por Foles de Viveiro, a misa solemne na igrexa parroquial ás 12.00 horas, a sesión vermú co grupo Pasión, e xa pola noite a verbena con La Favorita e Pasión.
O domingo 6, a última xornada festiva dará comezo ás 12.00 horas coa celebración da misa solemne en honra ao santo na praia de Xilloi. Os grupos Dasilva e Mekánika Rolling Banda serán os encargados de poñer a nota musical na sesión vermú. E xa pola noite Dasilva e Kalima 3.0 amenizarán a gran verbena final a partir das 22.30 horas.
