Este venres 7 de xullo ás 20.00 horas no CS Mádia Leva, a delegación de Lugo de Adega organiza unha charla informativa da campaña Ti podes paralos!, coa que Adega pretende recorrer xudicialmente a recente autorización dos parques eólicos nos concellos de Baralla e Becerreá, Chao do Marco, Serra do Furco, Serra da Piñeira e Serra do Colmo.
Intervirán María Osorio, veciña e integrante da Asociación Cultural da comarca dos Ancares Rente ao Couce, e Lucía Anido, en representación de Adega-Lugo.
Na charla haberá un peto para contribuír solidariamente coa campaña do conxunto de parques da provincia de Lugo.
Podes descargar a información da campaña Ti Podes Paralos! neste enlace.
