A final do Torneo da Amizade entre os equipos do Páramo, o SD O Páramo, e o de Láncara, o Puebla Futsal, terá lugar esta tarde de 1 de xullo ás 19.00 horas.
O enfrontamento, que se celebrará no pavillón municipal da Pobra de San Xiao, porá fin á rivalidade sá entre os dous equipos, un de fútbol campo e outro de fútbol sala, e nesta ocasión, na final, enfrontaranse en beneficio do Puebla Futsal nos seus dominios.
Ademais da organización dos equipos, esta iniciativa conta coa colaboración do Concello de Láncara, o Concello do Páramo e da Deputación de Lugo.
