O campamento de verán ‘Aventura no Camiño de Sarria’ dá comezo á súa segunda quincena de actividades para nenos e nenos de entre 6 e 16 anos despois de que a primeira fora todo un éxito coa participación de arredor de 300 sarriaos e sarriás.
Estas actividades deportivas e de ocio infantís acollen iniciativas deportivas, acuáticas, rutas por tramos do Camiño de Santiago e xogos, ademais de manualidades e excursións.
Esta segunda quincena, que vai desde este luns, 17 de xullo, ata o 28 de xullo, non será a última, xa que en agosto os nenos e nenas que queiran poderán desfrutar do 31 de xullo ao 11 de agosto e do 14 de agosto ao 31 de agosto.
