O Concello de Lourenzá celebrará dende o venres 25 de agosto e ata o luns 28 as festas do Conde Santo, unhas datas moi especiais para toda a veciñanza laurentina.
O venres 25 comezan as festas coa celebración de Lenda do Conde cunha cea baile. A noite estará ameniza coa actuación de Toxo Guayaba. Este día ás 18.00 horas celebrarase o Día da bicicleta.
Na xornada do sábado 26, celebrarase a sesión vermú amenizada pola orquestra La Favorita, que tamén será a encargada de poñer a nota musical á verbena co grupo Ritmo Bakano.
Xa pola mañá farase a saída dos Cocos ás 11.30 horas e ás 17.30 horas. Pola tarde tamén haberá cantos de taberna ás 20.00 horas.
O domingo 27 a festa estará amenizada polo grupo Mar de Arousa que amenizará a sesión vermú. E pola noite a verbena correrá a cargo do grupo Mar de Arousa e orquestra Cinema.
E pola mañá haberá unha actuación da banda de música de Lourenzá e pola tarde un torneo de fútbol ás 18.00 horas.
O luns 28, nesta última xornada festiva a sesión vermú estará amenizada polo dúo Epo-k. E será a última saída dos Cocos.
Os actos relixiosos serán en horario de costume.
