Celebrouse na praia de Abrela, no concello do Vicedo, un concurso de figuras de area. Neste caso foi unha tarde soleada e calurosa que contou cun total de 26 participantes en categorías de infantil a adultos e con premios para os dous primeiros clasificados.
Na categoría de 3 a 5 anos quedaron segundas clasificadas Mariña de 3 anos, e Carmela de 5 anos, con Castillo Mariña, e Mario de 4 anos, gañou o primeiro premio con Mosi.
Na categoría de 6-10 anos os segundos clasificados foron Mario de 8 anos, Marina de 8 anos, e Álex de 9 anos, con MMA. Neste caso Lara de 7 anos, alzouse coa victoria con Pirámide Lara.
Na categoría, 11-16 anos, Julián e Anaís, ambos con 15 anos de idade, quedaron segundos clasificados coa Sirena Anaís e Celia de 11 anos, Aroa de 12 anos, e Lara de 9 anos, gañaron o primeiro premio con Isla Tortuga.
Na categoría de adultos Alba e María Teresa foron as segundas clasificadas con “Vicedo Booguey” e Hector e Albert conseguiron o primeiro premio con “Cangrejo Ermitaño”.
A organización agradece a participación do público e do xurado.