O Concello do Páramo contará de novo co servizo ‘Coidados porta a porta’ da Xunta de Galicia, que traerá ao municipio servizos gratuítos de podoloxía, estimulación da memoria e audioloxía.
Este programa, destinado a persoas maiores de 55 anos, estará no aparcadoiro entre o Concello e o polideportivo durante os días 30 e 31 de agosto e o 1 de setembro e para poder desfrutar destes servizos as persoas interesadas deberán pedir información e cita nos números 622 748 283 ou 623 546 992.
Con esta iniciativa, a intención é que todas as persoas do rural que o precisen poidan desfrutar de servizos necesarios para mellorar a súa saúde sen ter que percorrer grandes quilómetros fóra do seu fogar.
