Este fin de semana 16 e 17 de setembro celebrouse nos campos de bolos de Lago e de Sumoas de Xove o Campionato de España de Bolo Celta na categoría femenina e nas modalidades de individual e de parellas. No mesmo participaron clubs dos concellos de: Tineo, Cangas del Narcea, Gijon, Oviedo, Baiona, Gondomar, Nigran, Riotorto e Xove.
En total participaron 29 xogadoras procedentes de Asturias, Galicia e Madrid, comunidades en donde se xoga a esta modalidade de bolos.
O sábado 17 disputouxse o clasificatorio nas boleiras de Lago e Sumoas. Pola mañá todas as xogadoras tiraron 8 boladas no campo de Lago e pola tarde outras 8 boladas no campo de Sumoas. Deste clasificatorio pasaron á final as 12 xogadoras que máis puntuación obtiveron nas 16 boladas; entre as estas 12 xogadoras estaban as xovenses Julia López e Belén Meitín que quedaron apeadas na primeira eliminatoria.
Disputadas as correspondentes eliminatorias, ás semifinais pasaron Clara Martínez (Independiente, procedente do chamado bolo vaqueiro), Ana durán do Club de Bolos Baredo de Baiona, Sandra Suárez do Club de Bolos Los Serenos de Cangas de Narcea e Belén Rodríguez do Club de Bolos A Rega de Baiona.
Na primeira semifinal Clara Martínez impúxose a Sandra Suárez con máis dificultades do previsto. Na segunda semifinal enfrentábanse dúas xogadoras de Baiona, inda que de distinto club, imponiéndose finalmente Ana Durán do Club Baredo sobre Belén Rodríguez do Club A Rega.
En individual, Clara Martínez, con licenza independiente de Asturias proclamouse campioa, seguida de Ana Durán, de Baredo-Baiona, Sandra Suárez, B2O de Asturias e Belén Rodríguez, Rega de Baiona.
Na cateogría por parellas, Sheila Ferreira e Clara Martínez, de bolos Rega e independiente de Asturias, foron as campionas. No segundo posto foi Nerea Ferreira e Davinia Dios, de Rega e Portameán, en terceiro lugar Belén Rodríguez e Vanesa Suárez, de Rega a Camos, e en cuarta posición, Blanca Lago e Carmen Roca, de Estivada e Xove.
A vindeira fin de semana rematarán os campionatos de España coa categoría de parellas mixtas en Campos-Nigrán.
