O Concello está a realizar tarefas de mellora no parque de San Francisco na zona de xogos infantís, segundo deu a coñecer o concelleiro de Obras, Diego Dos Santos.
O edil explicou que “procedemos a retirar a araña do parque de San Francisco, tan solicitada polos veciños. Tamén se aproveitará para realizar o arranxo dalgúns xogos, que así o demandaban, ao igual que oito alcorques, e a reposición de zonas de caucho”.
Diego Dos Santos contou que “as obras teñen un prazo de execución dun mes e pode ser que algún día o parque estea pechado completamente polos operarios, polo que pedimos disculpas polas molestias que se poidan ocasionar”.
