Os Aturuxeiros de Bravos en colaboración coa Asociación de Veciños San Román do Vicedo organiza un taller de elaboración de xabón o vindeiro sábado 23 de setembro a partir das 17.00 horas no centro social de Bravos.
Este curso terá teoría audiovisual, materiais, e práctica e ten un prezo de 10 euros socios e 12 non socios. Para participar será necesario anotarse no teléfono 661 866 552..
É unha actividade dirixida a público adulto e servirá para aprender a reutilizar o aceite de cociña usado e darlle unha nova vida como xabón, actividade tradicional que queremos recuperar e con ela concienciar da importancia da correcta separación de residuos e o seu depósito no lugar axeitado os contedores de aceite municipais ou mellor aínda, a súa reciclaxe.
