O Club Deportivo Dez Portas organiza a XII edición do Torneo de San Froilán de tenis de mesa que terá lugar o próximo sábado 9 de setembro.
Espérase unha participación similar a do ano pasado, que foi de 95 deportistas de toda Galicia e Portugal.
A Casa do Deporte na Avenida Infanta Elena serán as instalacións que acollan esta competición deportiva que dará comezo ás 9.30 horas e se disputará o longo de todo o día.
O torneo acolle categorías dende prebenxamín ata veteranos sendo unha cita deportiva para todas as idades e será válido e puntuable para o circuíto galego.
