O III Circuito Golf Augas Santas celebra esta fin de semana a súa gran final. Esta proba deportiva referente en Galicia terá lugar o 15 e 16 de setembro nas instalacións do Club de Golf de Iberik Augas Santas Balneario & Golf.
Para a celebración da final, a organización preparou para o día 15 de setembro, unha cea de benvida especial para os finalistas e os seus acompañantes.
O sábado 16, disputarase a gran final, que se disputará a 18 foxos individual stableford hándicap con dúas categorías de xogo. Ademais ese mesmo sábado terá lugar a entrega de premios e un sorteo de agasallos entre todos os asistentes.
Os gañadores hándicap en cada proba clasificáronse directamente como convidados para o Torneo Barazal Final, ademais, tamén se clasificarán para a Gran Final as mellores tarxetas acumuladas do Circuito Scratch (Stableford Bruto) e as mellores Stableford Hándicap de cada categoría.
Esta final é un torneo aberto onde poden participar todos os interesados. As inscricións poden facerse a través de golf.augassantas@iberikhoteles.com ou chamando ao 982 456 705.
