Un obradoiro de emprendemento da Fundación Juana de Vega e Xeodestino O Courel incitou a idea de promover a gastronomía e os produtos locais de Samos despois de que a alcaldesa participara no evento.
Así, os hostaleiros de Samos están pensando en levar a cabo unha iniciativa de promoción para o mes de outubro co fin de apostar polo local e crear unha oferta atractiva que impulse o recoñecemento do Concello e a súa posta en valor.
Ademais, o taller tamén serviu para coñecer as liñas de axuda e de asesoramento para poñer en marcha diferentes proxectos en base á sostibilidade en Samos, pero tamén noutros concellos, como son O Incio, Triacastela e Folgoso do Courel.
