Arrancan hoxe, venres, as festas de Baamonde, en begonte, na honra á Virxe do Rosario e farano cunha churrascada popular gratuíta que dará comezo ás 21.00 horas.
A Penúltima Sabinera chega á praza de Baamonde esta noite para o seu tributo a Joaquín Sabina. O concerto será ás 23.00 horas.
Trátase dunha actuación de balde que terá lugar aproveitando a celebración das Festas do Rosario.
Finalizará a noite cunha verbena a cargo do trío Los Adrianos.
O sábado continuarán as celebracións coa tradicional misa solemne, ás 13.00 horas, para deixar paso á sesión vermú co grupo Carpe Diem. Este tamén será o encargado da verbena xunto a La Bamba.
O domingo haberá oficio relixioso á mesma hora e rematarán as festas cunha sesión vermú a cargo de Kalima 3.0.
