Este ano, con motivo do X aniversario do Club Ciclista Terra Chá, a anual Ruta BTT Terra Chá do Queixo San Simón da Costa terá lugar o vindeiro 7 de outubro.
Nesta ocasión, a ruta desenvolverase entre os concellos de Vilalba, Xermade e Muras e terá tres percorridos diferentes, de 63, 50 e 35 quilómetros. As tres probas contan con diferentes niveis de dificultade, así como características técnicas e físicas.
A saída e a chegada terá lugar na praza da Constitución de Vilalba onde están convocados para comezar ás 9.00 horas e está previsto o seu final sobre as 14.00 horas.
A participación está aberta a todo ciclista maior de 15 anos, pero os menores deberán contar coa autorización paterna. Admitiranse un total de 300 participantes. Esta pode realizarse a través da web www.ccnorte.com e finalizará o día 1 de outubro. O importe da inscrición será de 25€ para os federados, 30€ para os que se atopen en posesión de licenza de tríatlon ou carnet ciclista e de 35€ para os que precisen solicitar licenza dun día.
A organización facilitará avituallamentos sólidos e líquidos en distintos puntos do percorrido, reservándose o dereito a modificar o mesmo si por causas de forza maior, ou o bo desenvolvemento da proba así o aconsellan.
