O Concello de Alfoz abriu a convocatoria para o proceso de selección e formación dun funcionario interino. O posto correspóndese co xefe ou xefa da Unidade de Servizos Sociais.
Os interesados poden presentarse ata o vindeiro xoves 2 de novembro. A convocatoria ábrese mediante o sistema de concurso oposición libre. O emprego á para cubrir unha substitución transitoria da persoa titular do posto por motivos de saúde e futuras necesidades neste sentido.
A xornada é completa e entre as funcións a desenvolver atópase a de asesorar aos niveis superiores de decisión, informar e atender aos usuarios ou asistir e participar nos actos públicos.
