O local social de Bravos, no Ourol, acolle a representación da obra ‘Vaia pronóstico’ interpretada polo grupo de teatro da A.C.R.D. Aturuxeiros de Bravos o vindeiro 28 de outubro.
A cita será a partir das 19.00 horas, momento no que todas as persoas que queiran participar desta actividade divertida poderán facelo, xa que a entrada é libre e de balde.
Nesta obra, os compañeiros e veciños do Concello do Ourol, farán que os asistentes pasen un momento divertido no que “as cousas non serán o que parecen”, defenden desde o grupo teatral, que animan á veciñanza a participar.
