O Auditorio Municipal de Chantada acollerá os días 4 e 5 de novembro o I Congreso de Control de Velutina. O evento está organizado pola Asociación Galega de Apicultura (AGA) e o GDR Asociación Miño Ulla.
Na cita tratarase a situación da velutina no norte peninsular, a súa evolución e os distintos modelos ou medios de control dela. Os interesados poden realizar a súa inscrición a través da web.
A inauguración do evento será o sábado 4 ás 10.00 horas. Entre os profesionais que intervirán atópanse Roberto Delgado de Seaga, que falará sobre a perspectiva de control da velutina; Juan Prado, asesor do Principado de Asturias, que tratará os métodos de control e Marino Fernández, tamén asesor do Principado, que falará sobre o control remoto.
Na segunda xornada, estarán presentes Joaquín Lozano e Gonzalo Calvo para falar sobre a viabilidade das colonias melíferas; a Asociación Galega de Viticultores e o xefe de emerxencias do Concello do Grove, José Antonio Álvarez, entre outros. Ademais das distintas exposicións, o evento contará cunha mesa redonda e cunha degustación final de produtos da zona da Ribeira Sacra.
