Segredos de Pantón xa está comezando a programar algunhas actividades de nadal conxuntamente coa Asociación de veciños de Tuiriz.
Así, organizan un pequeno taller de confección de adornos para ir preparando os elementos decorativos con materiais reciclados e dándolle unha nova vida a estes.
Esta actividade, que será totalmente gratuíta, terá lugar o vindeiro 5 de novembro ás 16.30 horas no local social da asociación de veciños de Tuiriz e terá cabida para 25 persoas, polo que hai que apuntarse de antemán.
Ademais, desde Segredos de Pantón indican aos posibles participantes que deben levar pinturas, anacos de madeira e calquera cousa que os participantes queiran usar como decoración.
