A Asociación Segredos de Pantón enviou un escrito ao Concello de Pantón informando sobre un gran número de lixo no tramos de camiños que baixan e soben á fervenza de Augacaída.
Así, explican que foi durante unha actividade que organizaron polas parroquias de Santo Estevo de Atán e a de Santiago de Vilar de Ortelle, dende o PR-G 162 ata a fervenza, o pasado día 12 de outubro cando observaron esta situación.
Por iso, desde o colectivo aseguran que sería necesario poñer un punto onde se poida tirar o lixo na ruta que vai cara a fervenza e tamén na propia fervenza; así como tamén “sería interesante poñer diferentes paneis informativos para dar a coñecer a cultura, tradicións, historias e lendas que se contan na nosa ribeira2, defenden.
Ademais, desde Segredos de Pantón mostráronse animados a axudar ao Concello con esta tarefa, propoñendo a información a incluír en ditos paneis informativos.
