A Casa da Cultura de Quiroga acolle esta tarde a partir das 19.00 horas unha reunión informativa sobre o despregadura da fibra óptica nas diferentes parroquias do municipio.
Así, técnicos de Adamo informarán da fibra óptica e as altas dos contratos ás persoas interesadas, que poderán acudir á cita de maneira gratuíta.
Estes axentes xa pasaron polos últimos núcleos en instalar a fibra, que se corresponden con Carballo de Lor, O Freixeiro, O Soldón de Sequeiros, Vilaester, Os Covallos, Souto, Carballo de Hospital, A Goia, A Lama e San Cristovo para dar de alta aos interesados, pero ao non poder contactar con todos os veciños convócase esta xuntanza.
