A Casa da Cultura de Quiroga acolle o vindeiro xoves, 19 de outubro, unha xornada de formación para autónomos e pequenas e medianas empresas para todos os veciños e veciñas.
A iniciativa, que terá lugar a partir das 16.00 horas, contará con Verónica Ramallal, que está a asesorar a numerosos empresarios en como sacar mais partido á presenza na internet, en redes sociais, en web e na captación de clientes a través do márketing dixital.
Así, todas as persoas interesadas en mellorar no aspecto dixital poderán achegarse á Casa da Cultura e aprender todos os detalles do ámbito dixital para empresas.
