A oficina móbil Acelera PEMES, que está a percorrer a provincia, achégase o vindeiro xoves 19 a Quiroga. Esta medida, organizada pola Deputación Provincial de Lugo, en colaboración co Goberno, reforza o asesoramento gratuíto en materia de transformación dixital. Os interesados deben achegarse o xoves 19 de outubro ás 12.30 horas ata a rúa Real, ao lado do albergue.
A iniciativa está dirixida aos emprendedores, empresarios e ás persoas autónomas en temas de consultaría e márketing dixital. A oficina prestará o apoio e acompañamento para conseguir o kit dixital, solucións dixitais e un servizo dixital individual e personalizado, así como todo tipo de recursos que ofrece a dixitalización e as novas tecnoloxías para modernizar e mellorar o seu negocio.
