Este domingo, 22 de outubro, a Casa da Cultura do Páramo acolle un obradoiro de imprenta creativa para nenos e nenas, pero tamén adultos do municipio que queiran achegarse a desfrutar dunha tarde diferente.
Da man de Alouette Machine, un proxecto mutante e errante, os participantes poderán facer impresións nun espazo de creación, papel, palabra, poesía, fugas e paixóns, ira e dúbidas.
Todas as persoas interesadas en participar poderán achegarse á Casa da Cultura a partir das 17.00 horas para participar desta actividade, desenvolvida no marco do programa ‘Ler conta moito’ da Rede de Bibliotecas de Galicia.
