A alcaldesa de Samos, Chus López, e parte do goberno local desprazáronse ao Ceip Samos para agasallar tanto a nenos como a docentes con libros e camisetas, en colaboración coa Deputación de Lugo, con motivo do aniversario dos seus 40 anos.
Durante todo o curso escolar, o Concello colaborará co Ceip Samos e coa súa Anpa, “xa que o colexio é unha das grandes prioridades de Samos, non só para as persoas que forman parte del, senón tamén para o Concello e para toda a veciñanza, dado que é unha ferramenta moi útil para o asentamento poboaciónal de Samos”, explican desde o goberno local.
Así, durante este curso escolar tamén os nenos e docentes tamén serán agasallados con entradas para poderen desfrutar do mellor fútbol co CD Lugo, e co mellor baloncesto, co Breogán.
“Queremos que os nosos nenos e nenas desfruten dunha mellor calidade na ensinanza e que as familias destes nenos e nenas teñan un servizo de conciliación preto da casa, sen ter que desprazarse a outras localidades”, sostiveron desde o Concello.
