A área de Turismo do Concello de Samos vén de propoñer unha iniciativa para promocionar o municipio a través da creación dun banco de imaxes que conteñan todos os lugares interesantes de Samos.
Así, piden a todas as persoas, tanto veciños como persoas que se acheguen ao Concello, que manden as súas fotos de tamaño grande e boa calidade de Samos ao correo turismo@concellosamos.gal.
Valen tanto imaxes en vertical como en horizontal e poderán ser de pobos, casas de arquitectura tradicional, cociñas antigas, sequeiros, airas, igrexas, paisaxes, festas, fervenzas, castros, alvarizas e demais.
