O portavoz do PP, Miguel Gallego, di que hai “malestar entre os maiores da residencia municipal de Samos porque o goberno local non acendeu a calefacción, alegando que hai que aforrar cartos”, din.
O popular explica que “os maiores laméntanse de ter que estar con chaquetas e mantas todo o día para soportar a baixada de temperaturas, especialmente nas habitacións; xa que moitos son moi maiores que teñen distintas patoloxías e deberían estar nun ambiente cálido”.
Pola súa banda, a alcaldesa de Samos, Chus López, explica que nin os usuarios nin as traballadoras da residencia lles trasladaron queixas polo frío, “é máis, ao saber que o portavoz popular ía mandar a nota de prensa, chamamos á residencia por se había algún problema e dixéronnos que todo estaba ben, que non facía frío ningún”, sostivo a rexedora.
