A Asociación de Comerciantes e Empresarios da Pastoriza puxo punto e final esta fin de semana á primeira edición do Torneo de Pádel, que se organizou con intención de dinamizar a vida social da localidade e incentivar de paso o comercio local.
Nesta primeira edición do torneo o primeiro posto da categoría masculina foi para a parella formada por Sergio García e Adrián Prieto e a feminina foi para Laura Fernández e Yolanda Fernández. En segundo lugar quedaron, respectivamente Miguel Vázquez e Diego Fernández e Alba Cabado e Raquel Anido.
Nesta primeira edición participaron máis de 20 parellas que xogaron desde o venres ata o domingo.
Os gañadores recibiron entre outros premios, 4 paletillas, 4 queixos e 8 botellas de viño doadas polo comercio local. Ademais sorteáronse entre os asistentes, 2 queixos, 4 entradas para a discoteca, uns cascos inalámbricos, 3 botellas de viño e un vale de gasoil.
