Mais de 200 corredoras e corredores participaron este sábado na segunda edición da II Carreira Popular Valadouro-Alfoz, que se celebrou onte sábado 4 de novembro entre os dous concellos, con percorridos para as distintas categorías desde prebenxamín ata máster.
O deputado Daniel Garcia participou na entrega de premios, que se celebrou no polideportivo de Alfoz, xunto as alcaldesas e concelleiros de Deportes dos dous municipios, María José Fernández e Efigenia Maseda, e Eliseo Teijeiro e Eliseo Lorenzo, respectivamente.
Helena Villarmea, Carla Trillo e Vanesa Vizoso, as tres do Ría de Foz, e Alejandro Villalba (Maderas Barcia Lourenzá), Pablo González (TFC Llanero) e Carlos Noguerol (Subindo Ritmo), subiron ao podio da clasificación absoluta. Nas clasificacións das categorías de base, EDM Lourenzá Barreiros Cervo, Ría de Foz e Club Atletismo de Ribadeo ocuparon a grande maioría dos podios.
A carreira contou con financiamento do Plan Único de Cooperación cos Concellos da Deputación de Lugo.
