A Concellería de Relacións Institucionais, Comunicación e Axenda2030 presenta unha nova forma de conectar directamente cos veciños a través da canle de WhatsApp do Concello de Foz.
Esta aplicación de mensaxaría permitirá aos usuarios consultar as novas municipais de maneira inmediata dende os seus teléfonos móbiles para estar puntualmente informado do día a día municipal.
O concelleiro Carlos García valora moi positivamente o potencial da comunicación a través desta rede pola esixencia dos cidadáns de contar cunha información inmediata, nítida e puntual do seu municipio.
“Queremos contribuír á comunicación clara como técnica que asegura o dereito dos cidadáns a entender o que lles comunica a institución pública contribuíndo de forma directa aos Obxectivos de Desenvolvemento Sostible (ODS)”.
“A comunicación clara permite axudar a mellorar problemas de acceso á información pública xerando confianza cidadá na súa administración máis próxima, estimulará a redución das desigualdades porque establece que os documentos públicos e as páxinas web estarán redactados para que se podan entender e usar sen dificultades así como promoverá reorientar os mensaxes con perspectiva de xénero”.
Para acceder a esta función é necesario ter a versión actualizada do WhatsApp. As canles ofrecen una modalidade de comunicación unidireccional, o que significa que o Concello de Foz pode enviar mensaxes de información xeral.
Ao sumarse á nova canle municipal encontrarás un resumen das novidades municipais máis relevantes. Haberá material gráfico e audiovisual que poderás visualizar garantíndose a cantidade razoable de envíos e o anonimato dos usuarios.
