O Concello organiza unha recollida de residuos de rodas agrícolas. Para facilitar este servizo habilita dous puntos: para a zona do interior en Cedofeita e para as parroquias da costa en Piñeira.
O rexedor explicou que “o Concello de Ribadeo organiza unha recollida de residuos de rodas agrícolas. Para facilitar este servizo imos habilitar dous puntos de depósito. Un estará situado no entorno da escola de Cedofeita e outro no campo da festa de Piñeira”.
Dani Vega dixo que “as rodas poderanse depositar neses puntos desde hoxe e ata o vindeiro 30 de novembro”.
O alcalde indicou que “son rodas agrícolas inutilizadas, solo agrícolas, que en tempos se empregaban para tapar os silos ou para outras cousas, pero agora non ten ningún obxecto telas tiradas nas cunetas ou apartadas nas explotacións gandeiras e o que non pode ser é que a administración pública, neste caso o Concello, permita a existencia deses vertidos incontrolados de rodas. Non estaríamos traballando pola conservación do medio ambiente si permitimos que iso siga así tirado ou abandonado ou incluso en moitos sitios tiradas nas beiras dos ríos. Iso non pode ser e coa colaboración de todos, tamén coa da Xunta, imos intentar esta primeira fase a ver como sae e ir pouco a pouco facendo este tipo de actividades, recollendo estes residuos e que os leve a Xunta”.
Para Vega “é unha boa medida. Pido a colaboración de todos. Serán uns días para poder levar todas esas rodas agrícolas a eses dous puntos, en Piñeira e en Cedofeita, e a ver como nos sae. Iremos levando a cabo pouco a pouco estas medidas para conservar entre todos o medio ambiente”.
