A Asociación de Veciños de San Román do Vicedo organiza o primeiro dos obradoiros de formación no rural para fomentar a unión entre toda a veciñanza. Este primeiro tratará sobre resina polimérica ou fimo.
Será na escola do Vilar de San Román o sábado 11 de novembro ás 17.00 horas e estará impartido por unha artesá Galega baixo a firma de Comopezenelagua.
“Procuramos acadar a maior riqueza en termos económicos e de benestar; entendendo esta riqueza no seu concepto máis amplo, tanto material como intanxible, tentando contribuir así ao desenvolvemento, de non soamente a nosa parroquia, senón tamén da zona”, din.
“Fomentamos a realización e promoción de actividades innovadoras con novas técnicas e materiais, dar pé á utilización de produtos da zona para combinar e realizar pezas orixinais””, sinalan os veciños.
Para asistir ou información será necesario chamar ao 722 373 603.
