A Casa da Cultura de Chantada acolle este martes 28 unha nova charla sobre os servizos financeiros e bancarios impartida polo Instituto Galego do Consumo e da Competencia da Xunta de Galicia.
A proposta, que comezará ás 17.00 horas, virá seguida doutras dúas conferencias nas vindeiras semanas. O luns 11 de decembro xirará en torno os servizos no fogar: luz e auga.
Os veciños do Concello tamén poderán saber máis sobre consumo responsable e decisións de compra a través da última charla que se impartirá o luns 18 de decembro.
