Os veciños de Negueira de Muñiz protestaron onte diante da casa do médico pola falta de profesionais sanitarios no centro de saúde pois levan xa unha semana sen ningún. O médico que pasa consulta neste centro atende en Negueira os luns e os xoves.
A veciñanza do concello menos poboado da provincia de Lugo ten que acudir ata o PAC de Fonsagrada cos conseguintes custos económicos e inconvenientes de mobilidade para a veciñanza pois son 90 quilómetros.
Segundo os responsables sanitarios estase a buscar un médico para substituír ao anterior pero polo momento non atopan ningún.