Decenas de persoas xa se achegaron a ver a exposición de retratos en pintura do artista David Quinteiro que está na Casa da Cultura do Concello de Chantada ata o vindeiro 30 de novembro.
Os interesados poden achegarse de luns a sábado de 10.00 a 14.00 horas e de luns a venres de 16.00 a 20.00 horas a desfrutar destas obras que reflexan os ollos e miradas de diversas persoas.
David Quinteiro é graduado en Belas Artes pola Universidade de Vigo e actualmente desenvolve a súa actividade no eido da pintura, neste caso concreto centrándose en pintar retratos e miradas.