A Casa da Cultura de Pantón acolle, a partir desta semana, un obradoiro de traballo intelectual para as persoas maiores do municipio todos os mércores durante este curso.
Así, entre as 18.00 e as 19.30 horas dos mércores, as persoas interesadas poderán traballar a súa mente para mellorar a súa capacidade cognitiva e memoria nunha idade na que cada vez son máis frecuentes as enfermidades neurodexenerativas.
O prazo de inscrición para participar desta actividade ábrese este mércores, día no que comeza o obradoiro, e as persoas interesadas poderán apuntarse na Casa da Cultura ou chamando ao 982 456 377.
