A asociación de veciños A Curuxeira organiza para o venres, 24 de novembro, unha cita no local social da Lama, a partir das 20.00 horas, para falar sobre o futuro do viño branco.
Contarase para esta actividade co presidente do Consello Regulador da Denominación de Orixe Ribeira Sacra, Antonio Lombardía, quen falará sobre o futuro deste produto e recurso imprescindible no sur de Lugo.
Todas as persoas que queiran participar poderán facelo achegándose ao local social da Lama, xa que é unha actividade aberta e sen custo para todos os veciños e veciñas interesados.
