A área de Servizos Sociais do Concello de Láncara celebra esta tarde o último grupo de debate con persoas maiores de 60 anos, enmarcado no proxecto Láncara Amigable coas Persoas Maiores.
Así, a partir das 16.30 horas organizarase unha xuntanza no Antigo Centro Médico de A Pobra de San Xiao no que poderán participar persoas que vivan nas parroquias de A Pobra de San Xiao, Bande, Muro, Ronfe, Neira, Oleiros, Vilambrán ou Larín.
Na reunión falarase sobre experiencias positivas e negativas, así como de suxerencias de mellora en relación a espazos ao aire libre e edificios, transporte, vivenda, respecto e inclusión social. Tamén se abordarán cuestións como a participación social, a comunicación e información, o traballo e participación cidadá e os servizos Sociais e de Saúde.
