A nadadora do Club Natación Porta Miñá Inés Mourenza Rocha, quedou subcampioa de España nas categorías absoluta e júnior 1.
O sábado disputouse na piscina Nova de L’Escullera (Barcelona) o Campionato de España de longa distancia e no que a nadadora do Club lugués conseguiu a medalla de prata absoluta e júnior 1 na distancia de 5000 metros.
Con estas dúas medallas Inés colócase firmemente na elite da natación española de longa distancia xa que ademais, coa marca que fixo de 58.32.57 cumpre cun dos requisitos, a falta doutros dous, para competir no Campionato de Europa.
