Un ano máis os concellos de Corgo, O Páramo e Guntín deron comezo a un novo obradoiro de emprego, Ponte de Areas, no que traballarán un director, tres monitores e 20 alumnos que se formarán en operacións auxiliares de acabados ríxidos e urbanización nos seus respectivos concellos.
Do total de 20 alumnos 7 corresponden ao Corgo, outros tantos a Guntín e 6 son do Páramo e realizarán traballos de operario de formigón, peón especializado, operario de cadro de formigón, pavimentador a base de formigón, axudante encofrador , axudante ferrallista, peón da construción de edificios, pavimentador con adoquines, axudante de alicatador-soldador, operario de bordes de confinamento, pavimentador a base de formigón e peón especializado
Este ano en Guntín seguirán a traballar na Casa Cuartel, na praza da Igrexa e na fonte de Ferreira.
