Mañá é o último día do Campus Nadal organizado polo equipo CB Sarria durante este Nadal, e no día de onte o delegado territorial en Lugo, Javier Arias, visitou aos rapaces e rapazas que participan nel, xa que conta co apoio da Xunta de Galicia.
Arias destacou o éxito de convocatoria desta primeira edición do Campus, que rexistra arredor de 70 inscritos de entre 8 e 17 anos procedentes de distintos puntos de Galicia e Asturias, e contribúe a dinamizar a vila sarriá.
Este campus, organizado polo CB Sarria e que conta con diversos adestradores profesionais do deporte, ofrece adestramentos adaptados por grupos de nivel, saídas e actividades lúdicas, e aloxamento nun albergue da localidade.
