O parque infantil da área recreativa Manuel Fernández Arroxo de Láncara está empezando a ser mellorado como unha iniciativa do Goberno local do Concello de Láncara.
Estas actuacións veñen motivadas polo estado no que se atopa o parque infantil, xa que necesita melloras para que todos os nenos e nenas do municipio poidan desfrutar desta área de xogo libre nos seus tempos libres e, sobre todo, cando veña o bo tempo.
Por outra parte, a área recreativa Manuel Fernández Arroxo acolle diferentes actividades e iniciativas, como a visita dos Bolechas, festas da escuma, actividades do campamentos de verán… entre outras.
