Este xoves, 21 de decembro, celébrase o Festival de Nadal do CPI Ramón Piñeiro de Láncara, un acto preparado “con ilusión para o profesorado e alumnado”. O acto, presentado por Yanira e Uxía, de 4º da ESO, celebrarase no ximnasio do centro a partir das 12.30 horas.
Durante este festival de Nadal, actuarán todos os cursos, desde 1º de Infantil, pasando pola Educación Primaria e rematando en 4º da ESO. Estas actuacións acollerán bailes, teatro, interpretacións de cancións e de música.
Por outra parte, durante este Festival de Nadal, ao que están convidados todos os membros da comunidade educativa, tamén haberá un mercado de libros para levar de balde.
