Volve a maxia a Sarria da man do mago Roberto Lolo, despois de que organizara este verán o XVIII Festival Internacional de Maxia Vila Sarria, que congregou artistas de todo o mundo.
Neste caso, Roberto Lolo actuará de novo en Sarria este mércores, día 27 de decembro, no salón de actos da Casa da Cultura cun espectáculo de Nadal para todos os públicos que o propio artista define como “Gran Gala de Nadal, un evento máxico e divertido”.
Todas as persoas interesadas en participar poderán facelo achegándose ao lugar a partir das 18.00 horas ata completar o aforo. Os máis pequenos das familias participantes obterán, ademais, agasallos, polo que será “unha festa inesquecible”, sostén Lolo.
