As Agrupacións da Escola de Música de Sarria, Os Petapouco, A Minibanda e Clarisaxos, actuarán esta tarde, ás 19.30 horas, no Concerto de Nadal do Concello.
A Casa da Cultura será o lugar de celebración, onde as bandas levarán unha composición musical con tons de Nadal para que todas as persoas que queiran participar poidan desfrutar da música sarriá de forma gratuíta e aberta.
Así, estas tres bandas que actuarán porán a proba os seus coñecementos e traballo durante os anos nos que os profesores Manuel Montero (profesor de clarinete e saxofón) e José Luis García (profesor de percusión) instruíron a estes alumnos.
