A Asociación de Veciños As Campeiras das Pontes organiza este martes, 5 de decembro, a segunda edición do Encontro de Asociacións con motivo da celebración do Día Internacional do Voluntariado.
A sesión, que terá lugar no local social desta asociación dará comezo ás 17.30 horas cunha conversa con José Atilano Pena López e José Manuel Sánchez Santos, da Universidade da Coruña. Leva por título O futuro do asociacionismo: ameazas e retos para a comarca do Eume.
A continuación terá lugar a presentación do libro Arredor do rural: comunidade de saberes e innovación socio-educativa. Rematarán a sesión, ás 19.00 horas coa actividade Dinámica de peche.
