O club deportivo das Pontes Lago DVSport pon en marcha un ano máis seu Campus de Nadal de Tecnificación de Futsal e Multideporte, que chega á terceira edición e que terá lugar os días 2, 3 e 4 de xaneiro.
Este terá lugar en horario de 10.00 a 18.00 horas e haberá diversión, aprendizaxe, compañerismo, deportividade, ademais de xogos, moitos deportes e sobre todo moito futsal con xantar incluído.
O campus está dirixido a nenos nacidos entre o 2010 e o 2017 e os participantes recibirán dúas equipacións e para os xogadores do Lago DVSport haberá desconto.
As persoas interesadas terán de prazo ata o 22 de decembro para anotarse a través do teléfono 679 371 472 ou no correo lagodvsport@gmail.com.
