O Consorcio Provincial contra Incendios e Salvamento de Lugo informou este luns de que dos tres efectivos previstos para cubrir os servizos mínimos no Parque de Bombeiros de Viveiro, un deles non se presentou a traballar, sen que o Consorcio teña nese momento xustificación da ausencia.
No Parque de Vilalba, un dos tres traballadores da quenda non se presentou por falecemento dun familiar e avisados os efectivos designados como suplentes na quenda de hoxe, non se presentaron.
Ante esta situación, “dado que non se cumprían os servizos mínimos nestes dous parques e atendendo á premisa de dar cobertura á maior zona e poboación posible”, o Consorcio procedeu a recolocar aos dous efectivos do Parque de Bombeiros de Viveiro, un no parque de Vilalba e outro no de Barreiros, onde atenderán as posibles incidencias. O parque viveirense non prestará servizo ata mañá, ás 9.00 horas.
