O Festival Valadouro Rock, que se celebrará o vindeiro 22 de xuño ás 17.00 horas, comezou a debullar aos grupos e bandas que actuarán ese día.
Así, informaron de que contarán cos valencianos Gigatrón, coa banda asturiana Skuld, o grupo ribadense Materia Muerta, o grupo de Avilés Leather Boys, os asturianos Drunken Buddha e os madrileños Vita Imana. Aínda faltan bandas por confirmar e outras sorpresas.
De momento xa se poden ir mercando as entradas na súa páxina web a un prezo de 26 euros. Os menores de 15 anos que o desexen poderán acudir gratis ao festival acompañados dun adulto con entrada.
